– အစ္စလာမ်ဘာသာဝင်တွေအနေနဲ့ သာသနာကို ကိုယ်ကျင့်တရား၊ ယုံကြည်သက်ဝင်မှု၊ ရိုးသားဖြောင့်မတ်မှုတွေနဲ့ မြှင့်တင်ဖို့လိုတယ်လို့ အီရန်သမ္မတ ဟာဆန်ရူဟာနီက ပြောကြားလိုက်ပါတယ်။
ကုလအထွေထွေညီလာခံတက်ရောက်ဖို့ နယူးယောက်ကိုရောက်ရှိနေတဲ့ ရူဟာနီဟာ အမေရိကန်မှာရှိတဲ့ အစ္စလာမ်ဘာသာဝင် လူ့အဖွဲ့အစည်းတွေက ခေါင်းဆောင်တွေနဲ့ (စက်တင်ဘာ ၂၆၊ ၂၀၁၈) တွေ့ဆုံခဲ့တာပါ။
“အစ္စလာမ်ဘာသာဝင်တွေ အထူးသဖြင့် လူငယ်တွေကို သွန်သင်ဆုံးမဖို့အတွက် ခင်ဗျားတို့မှာ တာဝန်ရှိတယ်။ အခုအချိန်မှာ လူငယ်တွေဟာ ရန်သူတွေရဲ့ ၀ါဒဖြန့်မှုနဲ့ ပညာမဲ့အပေါင်းအသင်းတွေရဲ့ လွှမ်းမိုးမှုကို ခံနေရပြီး သူတို့တွေကို အစ္စလာမ်ရဲ့ စစ်မှန်တဲ့ သွန်သင်မှုကို ချပြရမှာ ဖြစ်ပါတယ်။ ဒီကနေ့ ကျွန်တော်တို့ရဲ့တာဝန်ဟာ မျိုးဆက်သစ်တွေကို ကူညီဖို့၊ အစ္စလာမ်ရဲ့ စစ်မှန်တဲ့ သွန်သင်မှုကို ချပြဖို့၊ ကောင်းမြတ်တဲ့စကားတွေ၊ အမူအကျင့်တွေနဲ့ အစ္စလာမ်သာသနာကို မြှင့်တင်ဖို့ ဖြစ်ပါတယ်” လို့ ရူဟာနီက ပြောကြားခဲ့ပါတယ်။
ရူဟာနီက အရှေ့အလယ်ပိုင်းမှာ IS နဲ့ al-Nusra Front တို့ အကြမ်းဖက်အဖွဲ့တွေအပေါ် အောင်မြင်မှုရနေတာကိုလည်း ထည့်သွင်းပြောကြားခဲ့ပြီး ဆီးရီးယားဒုက္ခသည်တွေ နေရပ်ပြန်နိုင်ဖို့အတွက် ဆီးရီးယားမှာ အခုထက်ပိုပြီး လုံခြုံဖို့လိုတယ်လို့လည်း ဆိုပါတယ်။
IS အကြမ်းဖက်အဖွဲ့ဟာ အစ္စလာမ်ရဲ့ ငြိမ်းချမ်းတဲ့ပြယုဂ်ကို ခြိမ်းခြောက်နေတဲ့ အကြီးမားဆုံး အန္တရာယ်ကောင်တွေ ဖြစ်တယ်လို့လည်း အီရန်သမ္မတက ထည့်သွင်းပြောဆိုခဲ့ပါတယ်။
“IS က ကျူးလွန်တဲ့ ရာဇ၀တ်မှုတွေဟာ လူသတ်တာတစ်ခုတည်း မဟုတ်ပါဘူး။ IS အကြမ်းဖက်သမားတွဟာ ဒေသတွင်းက ပြည်သူတွေအပေါ် ဖိနှိပ်ရုံသာမက၊ အစ္စလာမ်သာသနာကို ယုံကြည်သက်ဝင်နေကြသူတွေရဲ့ ယုံကြည်မှုကိုပါ ပျက်ဆီးသွားအောင် လုပ်နေတာပါ”
စက်တင်ဘာ ၂၆၊ ၂၀၁၈
Ref: Abna24
No comments:
Post a Comment